U apošnija hady, z časoŭ «askaranosnaha» filma «Dałaski kłub spažyŭcoŭ», aktor i muzyka Džared Leta nasiŭ doŭhija vałasy i baradu.
Na minskim kancercie jon źjavicca ŭ novym vobrazie — čysta paholenym i z karotkaj stryžkaj.
Fota muzyki ŭ novym vobrazie z tvitara Devida Ejera — režysiora «Atradu samazabojcaŭ», u jakim Leta vykanaje rolu Džokiera.
U tury pa Uschodniaj Jeŭropie z prahramaj «Kachańnie+Pałkaść» 30 Seconds To Mars naviedajuć 14 rasijskich haradoŭ, zatym adyhrajuć u Minsku, paśla skirujucca va Ukrainu i Polšču.
Nazvu prahramy hurt pryncypova piša na nacyjanalnych movach krain, u jakich vystupaje.
Biełaruski kancert projdzie na «Čyžoŭka-Arenie» 4 krasavika. Kvitki pradajucca anłajn na ofisie arhanizataraŭ, cana na tancplacoŭku ad 600 tysiač, na trybuny — ad 350 tysiač.
Na papiarednim kancercie ŭ Minsku Džared Leta pryznaŭsia ŭ kachańni pa-biełarusku.
