U metach procidziejańnia niezakonnaj mihracyi i spynieńnia pravaparušeńniaŭ z boku zamiežnych hramadzian i asob biez hramadzianstva ŭ Minsku na minułym tydni praviedzienaje śpiecyjalnaje kompleksnaje mierapryjemstva «Nielehał».
Jak paviedamlaje HUUS Minharvykankama, praviedzienaja kompleksnaja adpracoŭka rynkaŭ, haścinic, internataŭ, čyhunačnych stancyj, abjektaŭ, jakija budujucca, pryvatnych adrasoŭ, pa jakich niezakonna pražyvali zamiežnyja hramadzianie, inšych miescaŭ mahčymaha źjaŭleńnia zamiežnikaŭ, jakija znachodziacca na terytoryi Minska biez pravavych padstaŭ.
U chodzie mierapryjemstvaŭ za parušeńnie mihracyjnaha zakanadaŭstva, u tym liku paradku ŭjezdu-vyjezdu i znachodžańnia ŭ Biełarusi, byli vyjaŭleny i pryciahnuty da administracyjnaj adkaznaści 309 hramadzian. U dačynieńni da 46 zamiežnikaŭ pryniaty rašeńni ab departacyi/vysyłcy ich z krainy.
Vyjaŭleny try zamiežnych hramadzianina, jakija parušyli termin zabarony ŭjezdu ŭ Biełaruś. U dačynieńni da ich raspačatyja kryminalnyja spravy pa art. 371-2 KK (parušeńnie terminu zabarony ŭjezdu ŭ Respubliku Biełaruś).
