Valera — zvyčajny syn zvyčajnaha maskoŭskaha miljaniera. Jaho baćku abvinavacili ŭ kradziažy vialikaj sumy hrošaj (nichto ničoha nie kraŭ, nasamreč toje zaviecca «zasvajeńniem fondaŭ»). Baćka źbieh u Vialikabrytaniju, Valera źbiehčy nie paśpieŭ. Ale jon cudam daviedaŭsia pra brata baćki, jaki moža schavać chłopca ŭ Karpatach.
Siarod hornaha narodu hucułaŭ u siale Vialikija Vujki Valera sustrenie nie tolki naściarožanaje staŭleńnie da «maskala», ale i sapraŭdnaje kachańnie.
Pieršy siezon telesieryjała «Apošni maskal» budzie składacca z 16 sieryj, pieršaja źjavicca na ekranach užo ŭ sakaviku na kanale 1+1.
Hałoŭnuju rolu ŭ sieryjale vykanaje rasijski aktor Ihar Skrypka, kampaniju jamu składuć viadomyja ŭkrainskija aktory i televiadoŭcy Juryj Harbunoŭ i Uładzimir Haranski.