Uładź Hrydzin.
Fotakarespandent Uładź Hrydzin, jakoha nastojliva vyklikajuć u RUUS Zavodskaha rajona Minska paviedamiŭ «NN», što nie źbirajecca iści ŭ milicyju biez pozvy.
Nahadajem, što Hrydzina zatrymali siońnia ŭ sudzie Zavodskaha rajona Minska, dzie prachodziŭ praces nad Dzianisam Zamiatalinym, synam viadomaha biełaruskaha čynoŭnika i ideołaha Uładzimira Zamiatalina. Hrydzin skazaŭ, što jaho abvinavacili ŭ fatahrafavańni kanvoja, choć nasamreč jon zrabiŭ niekalki kadraŭ u sudovaj zale da pačatku słuchańnia spravy.
Hrydzina advieźli ŭ Zavodski RUUS, ale zatym adpuścili. Pratakoł ab zatrymańni składzieny nie byŭ. Adnak paśla milicyjanty pačali zvanić žurnalistu z prośbaj viarnucca ŭ RUUS dla hutarki.