Finansavaja milicyja aryštavała na rachunkach iłžepradprymalnickich struktur 4 młrd rubloŭ.
Jak paviedamili ŭ pres-słužbie KDK Biełarusi, departamient finansavych rasśledavańniaŭ i departamient finansavaha manitorynhu Kamiteta dziaržkantrolu spynili dziejnaść adnoj z najbujniejšych złačynnych hrup, jakaja akazvała kamiercyjnym strukturam pasłuhi pa ŭchileńni ad vypłaty padatkaŭ i lehalizacyi tavaraŭ i srodkaŭ, zdabytych złačynnym šlacham.
Pieršapačatkova ŭ pole zroku finansavaj raźviedki trapiła hrupa arhanizacyj, jakaja pravodziła pieraliki značnych sum hrašovych srodkaŭ u adras nierezidentaŭ Biełarusi. Detalovaje vyvučeńnie dziejnaści hetych subjektaŭ pakazała na ich prynaležnaść da łžepradprymalnickich struktur.
Dla prykryćcia svaich niezakonnych apieracyj pa vyvadu srodkaŭ za miažu jany dekłaravali impart z RF miedycynskich vyrabaŭ. Adnak płaciažy za tavar pravodzili nie ŭ adras rasijskich kontrahientaŭ, a na rachunki kampanij Vialikabrytanii. Nasamreč pieraličanyja hrašovyja srodki naležali biełaruskim arhanizacyjam realnaha siektara ekanomiki, jakija ažyćciaŭlali apieracyi ź iłžestrukturami z metaj uchileńnia ad padatkaabkładańnia.
U dalejšym rabotniki departamienta finansavych rasśledavańniaŭ ustanavili, što ŭ skład złačynnaj hrupy ŭvachodzili žychary Minska. Jak adznačyli ŭ pres-słužbie KDK, złačynnaja hrupa charaktaryzavałasia vialikaj kolkaściu ŭdzielnikaŭ, vyraznym raźmierkavańniem rolaŭ (adny zajmalisia rehistracyjaj iłžestruktur, druhija viali pošuk farmalnych zasnavalnikaŭ i dyrektaraŭ, trecija afarmlali dakumienty, čaćviortyja kiravali raźlikovym rachunkam, isnavali ludzi, jakija adkazvali za zabieśpiačeńnie biaśpieki funkcyjanavańnia hrupy), ijerarchijaj, zabiaśpiečanaściu sučasnymi srodkami suviazi i pierasoŭvańnia.
Za čas svajho isnavańnia złačynnaja hrupa atrymała dachod u pamiery bolš za 350 młrd rubloŭ.
Pa hetych faktach departamient finansavych rasśledavańniaŭ raspačaŭ kryminalnuju spravu pavodle č. 3 art. 233 KK, a taksama dźvie kryminalnyja spravy pavodle č. 2 art. 243 KK u dačynieńni da słužbovych asob subjektaŭ realnaha siektara ekanomiki, jakija karystalisia pasłuhami złačynnaj hrupy.
Finansavaj milicyjaj ustanoŭlena miescaznachodžańnie ŭdzielnikaŭ złačynnaj dziejnaści. Čaćviora jaje arhanizataraŭ i aktyŭnych udzielnikaŭ, a taksama słužbovych asob kampanij realnaha siektara ekanomiki zatrymanyja. Paśla ŭ dačynieńni da ich była abrana miera strymańnia ŭ vyhladzie źmiaščeńnia pad vartu.
Rabotniki finansavaj milicyi praviali bolš za 80 vobyskaŭ, padčas jakich kanfiskavana zvyš 170 tys. dołaraŭ ZŠA i 7 tys. jeŭra, piačatki łžestruktur, klučy addalenaha dostupu «Klijent-banka», kampjutarnaja technika, buchhałtarskija dakumienty i inšyja nośbity infarmacyi.
Z metaj pakryćcia niezakonna atrymanaha dachodu i ŭronu, naniesienaha dziaržavie ŭ vyhladzie niavypłačanych padatkaŭ, na majomaść padazravanych (katedž, kvatery, darahija aŭtamabili, juvielirnyja ŭpryhažeńni) nakładzieny aryšt na ahulnuju sumu bolš jak 2 młn dołaraŭ ZŠA. Akramia taho, prypynieny raschodnyja apieracyi klijentaŭ iłžestruktur, na raźlikovych rachunkach jakich aryštavana bolš za 4 młrd rubloŭ.
Ad słužbovych asob biełaruskich subjektaŭ, jakija karystalisia pasłuhami łžestruktur u Minsku i Homieli, u orhany finansavych rasśledavańniaŭ pastupiła 12 javak z pakajańniem pa faktach uchileńnia ad vypłaty padatkaŭ.