U Biełarusi u apošnija hady na 100 dziaŭčynak naradžajecca 106-107 chłopčykaŭ, paviedamili ŭ Nacyjanalnym statystyčnym kamitecie.
Da 30-hadovaha ŭzrostu žanočaja častka nasielnictva respubliki znachodzicca ŭ mienšaści (kolkaść mužčyn pieravyšaje kolkaść žančyn). Upłyŭ mihracyjnych pracesaŭ, vysokaja śmiarotnaść mužčyn pryvodziać da taho, što prykładna z 31-hadovaha ŭzrostu žančyny pieravyšajuć pa kolkaści mužčyn.
U siarednim pa respublicy na 1 000 mužčyn prypadaje 1 150 žančyn, u haradach i pasiołkach haradskoha typu — 1 167 žančyn, u sielskich nasielenych punktach — 1 095 žančyn.
Pavodle papiarednich danych, na 1 studzienia biahučaha hoda kolkaść žančyn u respublicy skłała 5 młn 72 tys. čałaviek (53,5% nasielnictva). U haradach i pasiołkach haradskoha typu pražyvaje 77,8% žančyn, u sielskich nasielenych punktach — 22,2% žančyn.
Na pačatak 2014 hoda siaredni ŭzrost žančyn u Biełarusi skłaŭ 42,3 hoda, u tym liku viaskovych žančyn — 47,5 hoda, haradžanak — 40,8 hoda.
Pavodle acenki PRAAN, «naturalnaj» roźnicaj u čakanaj praciahłaści žyćcia mužčyn i žančyn pryniata ličyć 5 hadoŭ. U Biełarusi na praciahu apošnich dvuch dziesiacihodździaŭ roźnica ŭ praciahłaści žyćcia mužčyn i žančyn pieravyšaje bolš jak u dva razy «naturalnuju» i składaje 10-12 hadoŭ.
Statystyčny ahlad padrychtavany Biełstatam da 8 Sakavika.