Džoni Dep u filmie «Mardekaj»

Džoni Dep u filmie «Mardekaj»

«Kinavideaprakat» raspaŭsiudziŭ infarmacyju ab tym, što sa śpisu sakavickich premjer vybyŭ film «Mardekaj».

Stužka, hałoŭnuju rolu ŭ jakoj vykanaŭ słavuty aktor Džoni Dep, musiła vyjści na ekrany staličnych kinateatraŭ 12 sakavika.

Pryčynaj admieny premjery stała zatrymka kamiedyi ŭ rasijskim prakacie.

«Kinavideaprakatu» było prapanavana źmianić datu vychadu karciny ŭ Minsku, bo start «Mordiekaja» u kinateatrach Rasii zapłanavany na 26 sakavika. Ale praz ščylny hrafik ŭ Biełarusi zrabić heta nie atrymałasia. Praź pieranos filma ŭ sietcy UP «Kinavideaprakat» Minharvykankama niama miesca dla pakazu kamiedyi.

U prapanavanyja rasijskim bokam daty na ekrany kinateatraŭ vyjduć multyplikacyjny film «Barančyk Šon», dobra viadomy hledačam pa adnajmiennym anhlijskim sieryjale, drama «Košt čałavieka», amierykanskaja kamiedyja «Mašyna času ŭ džakuzi-2», film z Dženifier Łopies «Prychilnik», a taksama rasijskaja fentezi-animacyja «Čaradziej raŭnavahi», tryler «Niaŭłoŭnyja», siamiejnaje kino «Pryvid» ź Fiodaram Bandarčukom u hałoŭnaj roli.

Adnak kamiedyju «Mardekaj» ŭsio ž možna budzie ŭbačyć u biełaruskaj stalicy. Pradstaŭniki kinateatra Silver Screen kažuć, što paśla taho, jak film vyjdzie ŭ rasijski prakat, jaho pačnuć pakazvać i ŭ Minsku.

***

Film «Mardekaj» z Džoni Depam u hałoŭnaj roli raspaviadaje pra art-dyrektara Čarłza Mardekaja, jaki zavinavaciŭsia Brytanii 8 miljonaŭ dołaraŭ, a heta značyć, što jon moža pazbavicca svajoj majomaści. Kab hetaha nie adbyłosia, palicyja prapanuje Mordiekaju ŭhodu: toj pavinien znajści karcinu «Hiercahinia Vielinhton».

Piersanaža Džoni Depa, paciešnaha afierysta ź viasiołymi vusikami, u stužcy čakaje niamała pryhod. Jamu daviadziecca sutyknucca z ruskaj mafijaj, brytanskaj vyviedkaj MI-5, mižnarodnym terarystam i sa svajoj čaroŭnaj žonkaj, jakuju vykanaje bialavaja Hviniet Pełtroŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?