Biełaruś i Brazilija raźličvajuć, što pahadnieńnie ab biaźvizavym režymie pamiž dźviuma krainami moža ŭstupić u siłu ŭžo ŭ hetym hodzie.

Pra heta paviedamili ŭ MZS Biełarusi pa vynikach sustrečy ministra zamiežnych spraŭ Uładzimira Makieja z pasłom Brazilii Paŭłu Antoniu Pierejra Pintu 11 sakavika.

Mižuradavaje pahadnieńnie ab biaźvizavym režymie, nahadajem, było padpisana bakami ŭ listapadzie 2013 hoda. Biełaruski bok užo vykanaŭ unutrydziaržaŭnyja pracedury, nieabchodnyja dla ŭstupleńnia ŭ siłu dadzienaj damovy, paviedamili ŭ MZS.

U chodzie siońniašniaj sustrečy kiraŭnik źniešniepalityčnaha viedamstva Biełarusi i pasoł Brazilii abmierkavali «varyjant paskareńnia ŭviadzieńnia biaźvizavaha režymu dla karotkaterminovych pajezdak hramadzian dźviuch krain».

Jak rastłumačyli ŭ MZS, baki «raźličvajuć, što im udasca zabiaśpiečyć ustupleńnie pahadnieńnia ŭ siłu ŭ 2015 hodzie».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?