Klimatołahi Nacyjanalnaha ŭpraŭleńnia akijaničnych i atmaśfiernych daśledavańniaŭ ZŠA apublikavali spravazdaču, ź jakoj vynikaje, što zima 2014-15 hh. była najciaplejšaj za apošnija 136 hadoŭ — h. zn., za ŭvieś čas nazirańniaŭ.
Suśvietny rekord skłaŭsia z najciaplejšaha za čas nazirańniaŭ śniežnia i druhich pa ciepłyni studzienia i lutaha. Siaredniaja tempieratura troch miesiacaŭ zimy była na 0,79°C vyšej za normu XX st.
9 z 12 minułych miesiacaŭ byli ci najciaplejšymi, ci druhimi pa ciepłyni za adpaviednyja da ich.
Papiaredni tempieraturny rekord zimy byŭ ustalavany ŭ 2006-07 hh., u 2014-15 hh. zima była ciaplejšaj za toj rekord na 0,04°C. Siaredniaja tempieratura ziamli i akijanu ŭ XX stahodździ ŭzimu składała 12,1°C.
Suśvietny rost tempieratury ŭzimu pačaŭsia z druhoj pałovy 1970-ch hadoŭ. Vyjava: ncdc.noaa.gov
Zima była najciaplejšaj nie paŭsiul: na Atłantyčnym uźbiarežžy Paŭnočnaj Amieryki naadvarot tempieratura zimy była nižej za normu na niekalki hradusaŭ. Vyjava: ncdc.noaa.gov
Hłabalnaje paciapleńnie nie abminuła i Biełaruś. Minułaja zima ŭ Biełarusi ŭvajšła ŭ dziasiatku samych ciopłych za čas nazirańnia. Za apošnija 25 hadoŭ u Biełarusi paciapleła na 1,2°S. Ciapierašniaja viasna ŭ Biełarusi čakajecca bolš ciopłaj, čym zvyčajna.
