oldmensk.net

oldmensk.net

Aktyvisty hramadskaha abjadnańnia «Alternatyva» (zarehistravanaha ŭ Łatvii) atrymali ad čynoŭnikaŭ adkaz na svoj zvarot. Minskija ŭłady ŭchvalili prapanovu raźmiaścić na centralnych vulicach stalicy dadatkovyja šyldy z histaryčnymi nazvami. Havorka idzie pra 16 vulicaŭ, dźvie płoščy, dva praśpiekty. Usie jany raźmieščanyja ŭ rajonie Vierchniaha horada, Niamihi, płoščy Niezaležnaści, stadyjona Dynama, Rakaŭskaha i Trajeckaha pradmieściaŭ.

Namieśnik staršyni Minharvykankama Andrej Damaracki ŭ piśmovym adkazie paviedamiŭ, što prapanovu pieradaduć u kamisiju pa najmieńni i pierajmienavańni praśpiektaŭ, vulicaŭ, płoščaŭ Minska na bližejšaje pasiadžeńnie. Z padtrymkaj prajekta vystupiŭ i namieśnik ministra kultury Alaksandr Jacko.

U kamientary Jeŭraradyjo kiraŭnik «Alternatyvy» Aleh Korban kaža, što na dublujučych šyldach raźmieściać usie viadomyja histaryčnyja nazvy vulicy:

«U chrananaličnym paradku z taho stahodździa, ź jakoha viadoma. Naprykład, vulica Karła Marksa adnym ź pieršych nazovaŭ mieła vulica Padhornaja, potym — Novy Rynak, a ŭžo ŭ saviecki čas — Śviardłova. A naprykancy savieckaj ułady i pa siońniašni dzień heta vulica Karła Marksa».

Korban spadziajecca, što šyldy z histaryčnymi nazvami vulic źjaviacca ŭžo sioleta, u najlepšym varyjancie — da leta. Ale kali miesiac-dva ad čynoŭnikaŭ nie budzie nijakich źviestak, to aktyvisty znoŭ dašluć zvaroty da ich.

Darečy, šyldy z raniejšymi nazvami vulic možna pabačyć u Mahilovie, Baranavičach, Klecku, haradskim pasiołku Chałopieničy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?