Napiaredadni Vielikodnych śviataŭ Mitrapalit Tadevuš Kandrusievič sustreŭsia z pradstaŭnikami ŚMI Biełarusi.
Padčas pres-kanfierencyi arcybiskup padvioŭ vyniki z padziej, jakija apošnim časam adbylisia ŭ Kaściole ŭ Biełarusi, raspavioŭ pra płany i adkazaŭ na pytańni žurnalistaŭ. Va ŭstupnym słovie Mitrapalit Tadevuš Kandrusievič padkreśliŭ značeńnie naviedvańnia Biełarusi Dziaržaŭnym Sakratarom Vatykana Pjetram Paralinam, jakoje moža pasłužyć raźvićciu bolš ciesnych suviaziej krainy z Papskaj Stalicaj i Jeŭropaj u cełym.
Kiraŭnik biełaruskich katolikaŭ nahadaŭ, što vizit kardynała adbyŭsia pa zaprašeńni biełaruskich uładaŭ. U pradstaŭnika Vatykana adbyłsia sustrečy z kiraŭnikom Biełarusi, premjer-ministram, staršynioj Savieta Respubliki, ministram zamiežnych spraŭ. Pa słovach Kandrusieviča, usie jany asabista pieradali praz kardynała zaprašeńnie Papie rymskamu Francišku naviedać Biełaruś. Arcybiskup kaža, što nikoli raniej nie było tak šmat hałasoŭ na karyść hetaha vizitu.
«Važna skazać, što vizit kardynała Pjetra Paralina mieŭ nie tolki dypłamatyčny charaktar, ale i dušpastyrski, pra što śviedčyli jaho sustrečy i supolnaja malitva jak z duchavienstvam, tak i ź viernikami»,— dadaŭ ijerarch, asablivuju ŭvahu ŭdzialiŭšy sustrečy Dziaržsakratara z moładździu Biełarusi padčas miždyjacezijalnaha načnoha čuvańnia.
«Vizit takoha hościa — heta honar honar jak dla Kaścioła ŭ Biełarusi, tak i dla ŭsioj krainy», — ličyć arcybiskup.
Na pytańnie žurnalistaŭ nakont pryjezdu Papy Franciška ŭ Biełaruś, pra jakoje tak šmat uzhadvałasia ŭ ŚMI padčas pryjezdu Dziaržsakratara Pjetra Paralina, arcybiskup Tadevuš Kandrusievič u čarhovy raz pryhadaŭ, što adna z umoŭ zaklučajecca ŭ zhodzie kanfiesii, jakaja kolkasna pieravažaje ŭ krainie, u vypadku Biełarusi — zhoda Pravasłaŭnaj Carkvy, peŭnaja ź joj damoŭlenaść.
U suviazi z hetym pytańniem Mitrapalit pryhadaŭ pra sustreču Dziaržaŭnaha Sakratara Vatykana Pjetra Paralina z Kiraŭnikom Pravasłaŭnaj Carkvy Patryjaršym Ekzarcham usioj Biełarusi Mitrapalitam Minskim i Zasłaŭskim Paŭłam, jakaja adbyłasia ŭ miežach aficyjnaha vizitu Papskaha Sakratara 13 sakavika 2015 hoda.
