«Vielmi niepryjemna, što u sacsietcy «Adnakłaśniki», u adroźnieńnie ad «Ukantakcie», niama ŭ naładach biełaruskaj movy — karystajusia ukrainskaj», — napisaŭ čytač na poštu «Našaj Nivy».
Jon prapanuje zładzić akcyju ŭ padtrymku biełaruskamoŭnaha interfiejsu OK.RU, bo «adzin raz adpraviŭ piśmo, adkazu nie było» i prosić parady ŭ dalejšych dziejańniach.
Kab u «Adnakłaśnikach» źjaviłasia biełaruskaja mova, treba samastojna prapanavać «Adnakłaśnikam» dapamohu — mienavita tak źjavilisia pierakłady «UKantakcie» kłasičnym pravapisam u 2008 hodzie i školnym pravapisam — u 2013-m.
«Adnakłaśniki» nie dajuć instrukcyj pa ŭdziele ŭ pierakładzie, tamu adziny sposab — sabrać kamandu pierakładčykaŭ i źviarnucca ŭ techpadtrymku z prapanovaj pierakładu pa hetaj spasyłcy.
Paviedamić ab nabory pierakładčykaŭ možna, naprykład, ŭ pryvatnych abviestkach «Našaj Nivy». Dać abviestku možna tut.
Uziać udzieł u pierakładzie Facebook možna tut, Twitter — tut, prapanavać dapamohu pierakładčykam «UKantakcie» na kłasičny pravapis možna tut, na školny pravapis — tut.
Adnak varta i adznačyć, što «Adnakłaśniki» vykarystoŭvalisia rasijskimi śpiecsłužbami dla raspaŭsiudu impieryjalistyčnaj prapahandy. Vidać, heta vynik ich kantrolu nad sietkaj. U hetym sensie, lepš karystacca tymi servisami, jakim takoje nie pahražaje.