Siońnia prajšła spravazdačna-vybarčaja kanfierencyja Biełaruskaj fiederacyi futboła. U vybarach staršyni nie było nijakaj intryhi. Adzinaj kandydaturaj byŭ siońniašni kiraŭnik BFF, staršynia praŭleńnia Banka raźvićcia Siarhiej Rumas. Za byłoha vice-premjera prahałasavali adzinahałosna.
Rumas abrany staršynioj BFF na bližejšyja čatyry hady. Pieršy namieśnik taksama nie źmianiŭsia – Siarhiej Safarjan.
Peŭnyja źmieny adbylisia ŭ vykankamu BFF. Naprykład, pakinuŭ «zakanadaŭčy orhan» biełaruskaha futboła słavuty trenier Juryj Puntus. Nie abiraŭsia na novy termin i redaktar «Sovietskoj Biełoruśsii» Pavieł Jakubovič.
Fota Kiryły Chilko.
Darečy, admietna, što na vybarach 2011 hoda Jakuboviča spačatku nie abrali ŭ vykankam BFF. U rejtynhavym hałasavańni jon nabraŭ niedastatkovuju kolkaść hałasoŭ, ale pakolki niekatoryja asoby, jak trenier Viktar Hančarenka, admovilisia ŭvachodzić u vykankam BFF, Jakubovič usio ž trapiŭ u śpis ludziej, jakija vyrašajuć futbolnuju budučyniu krainy.
Varta adznačyć, što z novych ludziej u vykankam BFF uvajšoŭ staršynia praŭleńnia «Biełarusbanka» Siarhiej Pisaryk, a taksama načalnik hałoŭnaha finansavaha ŭpraŭleńnia Minharvykankama Alaksiej Afanaśjeŭ.
