Hrodna i Vilniu płanujecca źviazać pramym čyhunačnym rejsam. Pra heta «Našaj Nivie» paviedamiŭ pieršy namieśnik načalnika pasažyrskaj słužby Biełaruskaj čyhunki Andrej Kaško.
Pa słovach Kaško, prajekt zapusku ciahnika Hrodna—Vilnia aktyŭna abmiarkoŭvajecca ź litoŭskim bokam. Adnak kančatkovaje rašeńnie jašče nie pryniata. Kaško kaža, što litoŭskija pamiežniki jašče nie vyrašyli niekatoryja pytańni.
«Prajekt znachodzicca ŭ aktyŭnaj fazie raspracoŭki razam ź litoŭskimi kalehami. Adnak jość peŭnyja pieraškody. U pieršuju čarhu heta niavyznačanaść litoŭskich pamiežnikaŭ. Jany pakul nie vyrašyli, jakim čynam pravodzić dahlad pasažyraŭ hetaha sastavu: ci pravodzić nadhlad na stancyi Stasiłos, ci ŭ Vilni. Jak tolki jany vyznačacca, hety prajekt budzie realizavany. Čyhunačniki da zapusku ciahnika hatovyja», — patłumačyŭ Kaško.
Ciahnik maje chadzić praź Lidu. Na žal, naŭprostavaja kaleja — častka čyhunki Sankt-Pieciarburh — Vilnia — Varšava, što praisnavała bolš za stahodździe, — užo demantavanaja.