Vydańnie Techinasia nazvała najbujniejšych inviestaraŭ u paŭdniovaazijackija startapy. U ich liku apynuŭsia vienčurny fond Fenox Venture Capital (FVC), stvorany biełaruskim biznesmienam Vitalom Arbuzavym.
Składalniki śpisu, u jakim FVC zaniaŭ piataje miesca, adznačyli niadaŭni krok uładalnikaŭ pa stvareńni fondu dla inviestavańnia ŭ IT i miedyja-startapy ŭ Banhładešy. 200 młn dalaraŭ inviestary płanujuť nakiravać nie tolki na rańniaje finansavańnie cikavych prajektaŭ, ale i na finalnyja raŭndy.
U top-12 inviestaraŭ u Paŭdniovaj Azii (paŭvostraŭ Indastan, Šry-Łanka i inšyja astravy) uvajšli najbujniejšyja suśvietnyja vienčurnyja fondy. U ich liku Morgenthaler Ventures (intaresy ŭ Pakistanie), Sequoia Capital (Indyja), ePlanet Capital (Pakistan), Global Founders Capital (Pakistan), a taksama takija kampanii jak Nexus Venture Partners (Indyja), Nasscom (Indyja), Ardent Capital ( Šry-Łanka), Frontier Digital Ventures (Pakistan), Kima Ventures (Pakistan), Etohum (Pakistan) i Naspers (Indyja).
