NASA praviało publičnyja testy pasadačnaha modula LDSD 31 sakavika. Miedyja-mierapryjemstva tranślavałasia ŭ internecie. «Talerka» nie zapuskałasia — žurnalistam pakazali pracazdolnaść jaje sistem u łabaratoryi.
«Latučaja talerka» LDSD pryznačanaja dla biaśpiečnaj pasadki aparatury na pavierchni inšych płaniet — naprykład, marsachoda na Mars.
Prajektam z 2012 hoda zajmajecca łabaratoryja reaktyŭnaha ruchu NASA. U kancy 2014 hoda adbylisia pieršyja vyprabavańni, na jakich navukoŭcy pravieryli pracazdolnaść parašutaŭ i pasadačnych ruchavikoŭ LDSD, zapuściŭšy aparat u vierchnija płasty atmaśfiery na pavietranym šary.
Nastupny zapusk LDSD zapłanavany na červień 2015 hoda.
Aparat zapuściać z bazy na Havajach, rakietny ruchavik vyviadzie jaho na vyšyniu 55 km nad ziamloj. Razredžanyja płasty ziamnoj strataśfiery jakraz nahadvajuć atmaśfieru Marsa. Paśla dasiahnieńnia patrebnaj vyšyni latučaja talerka maje biaśpiečna «zatarmazić» z vykarystańniem parašutaŭ i tarmaznych ruchavikoŭ z chutkaści 3,8 Mach (4655 km/h) da 2,5 Mach (3062 km/h) i praz 45 chvilin pryziamlicca.
