Sajt Nacyjanalnaj biblijateki pa stanie na 1 krasavika
Na partale Nacyjanalnaha centru markietynhu i kanjunktury cen apublikavany tendar na abnaŭleńnie i madernizacyju partału Nacyjanalnaj biblijateki Biełarusi.
Raboty pa abnaŭleńni i madernizacyi sajtu acanili ŭ pryblizna 3 141 młn biełaruskich rubloŭ albo bolš za 213 tysiač dalaraŭ pa siońniašnim kursie.
Da ŭdziełu ŭ tendary dapuskajucca lubyja fizičnyja i jurydyčnyja asoby, u tym liku indyvidualnyja pradprymalniki. Vykanać pracu treba da 15 śniežnia 2015 hoda.
Aznajomicca z techničnymi patrabavańniami možna ŭ dałučanym da tendara dakumiencie.
Siarod klučavych patrabavańniaŭ da novaj płatformy, na jakuju treba pieravieści internet-resursy Nacyjanalnaj biblijateki, prymalnyja košty absłuhoŭvańnia i padtrymki, dastatkovaja kolkaść znajomych ź joj śpiecyjalistaŭ na rynku, patentnaja adkrytaść sistemy, mahčymaść dapracoŭki sistemy, mahčymaść stvareńnia na asnovie sistemy rehijanalnych partałaŭ, web-aryjentavanaść. Interfiejs sistemy musić padtrymlivać biełaruskuju, ruskuju i anhlijskuju movy.
