Sajt lmgtfy.com dazvalaje prapanavać siabru «pahuhlić» za jaho — tak niekatoryja adkazvajuć na hłupyja na ich dumku pytańni
Navukoŭcy Jelskaha univiersiteta, ZŠA, apublikavali (PDF) daśledavańnie intelektualnych zdolnaściej sumarna tysiačy studentaŭ z vykarystańniem pošukavikaŭ i biez.
Tyja studenty, jakim dazvolili karystacca pošukavikami, mieli «vielmi niedakładnaje» ŭjaŭleńnie pra svaje viedy ŭ pradmietach u paraŭnańni z tymi, chto «huhliŭ» infarmacyju ŭ knihach.
U adnym z testaŭ studentaŭ spačatku pytali, jak pracuje małanka ŭ adzieńni. Adnoj hrupie prapanavali dać adkaz spasyłkaj u internecie, druhoj — schiemaj na liście papiery. U nastupnym studentaŭ spytali, čamu ŭ vobłačnaje nadvorje ciaplej. Hrupa, jakoj dahetul dazvalali karystacca pošukavikami, adkazvała bolš upeŭniena, chaj i nie mieła mahčymaści «zahuhlić» adkaz na hetaje pytańnie. Nastupnyja testy paćvierdzili karcinu.
Daśledčyki adznačajuć, što efiekt «dostupu da pošukavikaŭ» zachoŭvaŭsia doŭha paśla taho, jak čałaviek vychodziŭ ź internetu. «Nahuhlenyja» ludzi byli bolš upeŭnienyja ŭ pravilnaści svaich adkazaŭ — a heta moža być niebiaśpiečna pry pryniaćci važnych vyrašeńniaŭ u žyćci.
Aŭtary ekśpierymientu padkreślivajuć, što praz raźvićcio mabilnaha internetu miaža miž ułasnymi viedami i viedami ŭsiaho čałaviectva ścirajecca ŭsio bolš.
