Niešmatlikija žychary addalenaj viosački Prusavičy, što ŭ Łahojskim rajonie, pałasu ahniu, što kaciłasia pa vysachłaj travie łuhavińnia, ubačyli pa abiedzie. Vyklikali pažarnych, dapamahali tušyć miascovyja traktarysty, ludzi brali vadu z kałodziežaŭ i lili viodrami na travu. Ale z-za vietru ahoń šuhaŭ vyšej čałaviečaha rostu.
Ahulnymi namahańniami adstajali niekalki damoŭ, ale i pahareła davoli. Jak paviedamiła Ministerstva pa nadzvyčajnych zdareńniach, zhareli dźvie dačy, dźvie łaźni, try sielhaspabudovy i piać niežyłych budynin.
Na ščaście, nichto ź ludziej nie paciarpieŭ.
Milicyja vyśviatlaje vinavataha, padazrajuć miascovaha mužčynu, jakija kinuŭ biez nahladu padpalenaje śmieccie.
Pažarnyja papiaredžvajuć: nielha vypalvać suchuju travu, heta časta pryvodzić da trahiedyj.
