Recept u staražytnaj knizie. Fota: The British Library Board
Siaredniaviečnyja anhła-saksonskija miedyki vieryli, što cybula, časnok, vino i cialačaja žoŭć u pravilnych praporcyjach vyratujuć ad jačmienia na voku.
Ale kali mikrabijołahi univiersitetu Notynhiema, Vialikabrytanija, pasprabavali zhatavać ziołki pa takim recepcie, u ich atrymaŭsia zabojca mietycylin-rezistyŭnaha załacistaha stafiłakoku (Staphylococcus aureus), raspaviadaje New Scientist.
Ziołki pa recepcie tysiačahadovaj daŭniny nasamreč dapamahali zabivać bakteryi, što adkazvajuć za raźvićcio jačmieniu na voku. Ale ciapier jany dapamohuć i ŭ lekavańni bolš surjoznych infiekcyj skury.
Navukoŭcy adznačajuć, što sutyknulisia ź ciažkaściami ŭ pošuku aŭtentyčnych inhrydyjentaŭ — siońniašniaje vino vielmi adroźnivajecca ad siaredniaviečnaha, jak adroźnivajucca i cybula z časnakom. Praŭda, zamiest rekamiendavanaha łatunnaha posudu pryjšłosia vykarystać sučasny šklany posud ź miednymi listami, jaki lahčej sterylizavać.
Atrymanyja ziołki paśpiachova kankuravali ŭ zabojstvie bakteryj z sučasnym preparatam vankamicynam, što vykarystoŭvajecca ŭ lekavańni chvarobaŭ, vyklikanych załacistym stafiłakokam.
Navukoŭcy praciahnuć daśledavańnie siaredniaviečnaha receptu, kab vyśvietlić, jakija mienavita chimičnyja złučeńni robiać staražytnyja ziołki efiektyŭnymi lekami.
