Fota z sajta apf.anu.edu.au
Samcy myšej vykarystoŭvajuć nadziva składanyja i raznastajnyja ultrahukavyja napievy dziela pryvablivańnia samak, pišuć amierykanskija zaołahi ŭ časopisie Frontiers of Behavioral Neuroscience.
Myšynyja śpievy znajomyja navukoŭcam užo paŭstahodździa, ale novyja daśledavańni vykryvajuć cikavyja fakty.
U 2012 hodzie navukoŭcy vyśvietlili, što myšy mohuć imitavać pieśni svaich kankurentaŭ dy pazyčać udałyja nabory hukaŭ.
Praz dva hady vyśvietliłasia, što samki najbolš lubiać słuchać sierenady, najmienš padobnyja da tych, što śpiavali ich baćki. Takim čynam jany padśviadoma baroniacca ad incestu.
Apošnija daśledavańni pakazali, što kali samiec nie bačyć samku, jon vykonvaje składanyja i doŭhija pieśni. Ale praktyčna imhnienna mianiaje pieśni na karotkija i prostyja, kali sustrakaje samku. Navukoŭcy miarkujuć, što tak myšy ekanomiać enierhiju na vypadak patreby ŭ pahoni za samkaj.
Dy samki majuć prasunuty muzyčny hust — prynamsi, im bolš padabałasia siadzieć la kałonak, ź jakich hrajuć bolš składanyja myšynyja sierenady.
Siońnia navukoŭcy nie viedajuć, ci składajuć myšy pieśni ŭ advolnaj formie, ci jak ptuški źbirajuć ich z «sempłaŭ» — užo hatovych naboraŭ hukaŭ. Pakul zaołahi schilajucca da druhoj viersii, ale patrebnyja dalejšyja daśledavańni.
Kab zrazumieć myšynyja śpievy, zaołahi z usiaho śvietu zahružajuć sierenady na sajt MouseTube.
Na momant publikacyi na sajt zahružana 188 trekaŭ, ale prasłuchać ich mohuć tolki ŭdzielniki navukovaj prahramy.
