Premjer-ministr Ukrainy Arsienij Jacaniuk zajaviŭ, što asnoŭnyja dokazy pa kryminalnych vytvorčaściach režymu eks-prezidenta Ukraina Viktara Janukoviča byli źniščanyja. Pra heta jon zajaviŭ na pres-kanfierencyi z kancleram Hiermanii Anhiełaj Mierkiel u Bierlinie.
«Asnoŭnaje pytańnie — heta toje, što asoby, jakija padazrajucca ŭ ździajśnieńni złačynstva suprać čałaviečnaści — heta były prezident Ukrainy, staršynia Słužby biaśpieki Ukrainy, były ministr unutranych spraŭ Ukrainy, atrymali palityčny prytułak i hramadzianstva RF. Klučavyja asoby, jakija pieraśledujucca pa ukrainskim zakanadaŭstvie, atrymali abaronu z Rasii, i my nie možam ich dapytać. HPU nakiravała zapyt RF na ekstradycyju», — zajaviŭ jon.
«Pa toj infarmacyi, jakaja jość u mianie, jana śviedčyć ab tym, što asnoŭnyja dokazy pa hetych spravach byli źniščany byłym režymam. I dla ŭstanaŭleńnia iściny ŭ hetych spravach treba vielmi aktyŭna papracavać i dapytać arhanizataraŭ hetych złačynstvaŭ, jakija znachodziacca ŭ Rasii», — dadaŭ jon.
