Knižyca «1945. Pobieda!..» ciapier raspaŭsiudžvajecca praz carkoŭnyja šapiki ŭ Hrodnie. Zhodna viersii aŭtara, u vajnie ruskija pieramahli dziakujučy naviartańniu byłoha sieminarysta Stalina da viery, viartańniu załatych pahonaŭ carskaj armii i dazvołu vazić ikonu Kazanskaj Maci Božaj na front.

Voś tolki niekalki cytataŭ:

«…Načałaś strašnaja vojna, v kotoroj vrah imieł jedinstviennuju ciel: uničtožiť Rośsiju, Śviatuju Ruś, uničtožiť narod Rośsii, stierieť s lica ziemli samoje poniatije – Rośsija»

«…Spasitiel skazał (Baharodzicy – Red.): «…Ja znaju. Kak Ty lubiš Rośsiju, i radi słov Tvoich nie ostavlu jeje. Nakažu, no sochraniu…»

«…Spasitiel skazał: «Ja nie ostavlu Rośsiju»

«…Cierkov błahosłoviła Otiečiestviennuju vojnu Russkoho naroda, a Błahosłovienije eto było utvierždieno na Niebie. Ot priestoła Vsievyšnieho i vozhoriełsia duch Rośsii!»

Cikava, što nie idzie navat havorki pra toje, što pieramoha naležyć i inšym narodam. Słovaŭ «saviecki» i «SSSR» naohuł niama ŭ brašury. Roŭna jak i zhadak pra Biełaruś, kali nie ličyć vieršavany ŭstup i paślasłoŭje inaka Mikałaja:

«Ruś Śviataja – pad soncam –
Ad Elby była – da Alaski…»

Dalej – bolej.«Vsia Rośsija moliłaś tohda! Moliłsia i byvšij sieminarist Iosif Stalin…» Akazvajecca, što i vyšejšy kamandujučy skład Čyrvonaj Armii vyklučna pravasłaŭny: były carski hienierał Šapašnikaŭ, «kotoryj nie skryvał svoich rielihioznych ubieždienij», syn pravasłaŭnaha śviatara Vasileŭski, «pravosłavnyj maršał» Žukaŭ, jaki pierad kožnym bojem kazaŭ: «S Bohom!»…

Naprykład uziaćcio Kionihśbierha, jakoje kaštavała Čyrvonaj armii bolš jak 50 tysiač achviaraŭ, aŭtar nazyvaje cudam. Maŭlaŭ, źjaviłasia Madonna ŭ niebie i va ŭsich niemcaŭ admoviła zbroja: «…niemcy hibli tysiačami i tysiačami sdavaliś v plen».

Cikava taksama, što Chruščoŭ, architektar «adlihi» u SSSR, u brašury krytykujecca i padajecca navat horšym za Stalina! Jon «…orhanizovał jeŝie boleje masštabnoje i izoŝriennoje razrušienije Cierkvi, čiem do vojny 1941-1945 hh.»

«Žyrovickaja abiciel» — bahasłoŭski listok adnajmiennaha mužčynskaha manastyra, jaki redahuje viadomy inak Mikałaj Biembiel, u minułym paet «Źnič». Pad markaj listka ŭžo vydavalisia skandalnyja brašury. Naprykład, «Dastajeŭski i Kalinoŭski», dzie hieroj paŭstańnia 1863 nazyvajecca ledźvie nie satanistam. Albo «Unija. Łožnoje jedinstvo» z šalonaj krytykaj hreka-katalickaj carkvy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?