10-ha lutaha Biełaruski Moładzievy Ruch Ameryki pravodzić demanstracyju ŭ abaronu maładych aktyvistaŭ Biełarusi, jakija represavany sučasnym tatalitarnym režymam.

Aktyvista «Maładoha Frontu» Artura Fińkieviča sud Kastryčnickaha rajona Mahilova prysudziŭ da 1,5 hadoŭ kałonii ahulnaha režymu. Palitviaźnia pryznali vinavatym u parušeńni režymu adbyvańnia pakarańnia ŭ vidzie abmiežavańnia svabody.

Dva hady tamu Artur Fińkievič byŭ aryštavany i prysudžany da abmiežavańnia svabody za hrafici «Dastaŭ!» i «My chočam novaha!». Padčas adbyvańnia pakarańnia na maładoha čałavieka niekalki razoŭ nakładali spahnańni za parušeńnie režymu, ź jakimi jon byŭ nie zhodny, ale abskardzić hetyja prysudy jamu nie atrymałasia. Kali b nie kryminalnaja sprava, Artur vyjšaŭ by ŭžo na svabodu.

8-ha lutaha ŭ Artura budzie dzień narodzinaŭ! U svaje 23 jon trochu pasivieŭ i maje chvoraje serca.

Pad pahrozaj taksama apynulisia maładafrontaŭcy Andruś Cianiuta j Kasia Sałaŭjova, aktyvist niezarehistravanaj arhanizacyi “Inicyjatyva” Andrej Kim i čalec partyi “Hramada” Źmicier Lisijenak.

Mienavita zaraz, uličvajučy biazvychadny stan Biełarusi na mižnarodnaj placoŭcy, jość jasnaja mahčymaść vyzvalić i pazbavić našych siabroŭ ad novych kryminalnych spraŭ, što paćviardžajecca niečakanymi vyzvaleńniami palitviaźniaŭ Źmitra Daškieviča, Mikałaja Aŭtuchoviča j Juryja Lavonava. Hałoŭnaje – aktyŭna j ŭmieła vykarystać hety šaniec.

Demanstracyja pačynajecca ŭ 10.30 pierad budynkam Arhanizacyi Abjadnanych Nacyj u Ńju-Jorku. ( pamiž E 42 i E 43 Street na 1 Avenue)

760 United Nations Plaza

New York City, NY 10017, USA

Клас
0
Панылы сорам
0
Ха-ха
0
Ого
0
Сумна
0
Абуральна
0