Premjer Łatvii Łajmdota Straŭjuma za hod pracy ŭ orhanach ułady atrymała zarobak pamieram 36 tys. 657 jeŭra, a jašče 14 555 jeŭra dziaržava vypłaciła joj u jakaści piensii.
Takija dadzienyja ŭtrymlivajucca ŭ štohadovaj dekłaracyi słužbovaj asoby, jakuju kiraŭnik urada padała ŭ Słužbu dziarždachodaŭ Łatvii. Vynikaje, što ŭ miesiac jana atrymlivała na svoj rachunak kala 4267 jeŭra, paviedamlaje Delfi.lv
Taksama ŭ jaje majucca kaštoŭnyja papiery na sumu 6 593 jeŭra.
Što tyčycca bankaŭskich srodkaŭ, to jany adnosna ścipłyja dla palityka takoha ranhu: u Straŭjumy majecca 6 299 jeŭra ŭ Swedbank, 5096 jeŭra ŭ banku DNB, 139 jeŭra ŭ SEB banka. Jeździć premjer na aŭtamabili Mazda 6 2007 hoda vypusku.
U Biełarusi takija źviestki aficyjna nie abnarodujucca.
U im palityk, jaki ŭ ciapierašni čas pracuje ŭ Biełaruskim handlova-finansavym sajuzie, raskryŭ infarmacyju pra krynicy svaich dachodaŭ.
Ale ŭ mai minułaha hoda stała viadoma, što akład tahačasnaha premjera krainy Michaiła Miaśnikoviča moža składać 11 młn rubloŭ (na toj čas bolš za 1 000 dalaraŭ).
Tak, u svaim intervju taksama były premjer Viačasłaŭ Kiebič zajaviŭ, što akramia zarpłaty ŭ pamiery 7 młn rubloŭ, jon atrymlivaje piersanalnuju piensiju ad prezidenta.
«Jana składaje 75% ad akładu premjer-ministra krainy i dasiahaje 8,5 młn rubloŭ», — raspavioŭ Kiebič. Voś i atrymałasia, što ŭ tahačasnaha premjer-ministra akład składaŭ 11,33 młn rubloŭ, što składała ŭdvaja bolš za siaredni zarobak pa krainie. Praŭda, premjer moža atrymlivać jašče premii i dadatkovyja vypłaty.
