Data zvarotu kiraŭnika dziaržavy z pasłańniem da parłamienta i naroda zastajecca nieviadomaj.
Pieršapačatkova płanavałasia, što Alaksandr Łukašenka vystupić z pasłańniem 22 krasavika — na hety dzień aryjentavali žurnalistaŭ, choć aficyjna jon nie nazyvaŭsia. Zatym vyśvietliłasia, što mierapryjemstva pieranosicca ŭ suviazi z aficyjnym vizitam kiraŭnika dziaržavy ŭ Hruziju, jaki prajšoŭ 22—24 krasavika.
Na minułym tydni na sajcie Pałaty pradstaŭnikoŭ źjaviłasia paviedamleńnie, što sumiesnaje pasiadžeńnie abiedźviuch pałat parłamienta adbudziecca 29 krasavika. Heta dało padstavu mierkavać, što pasłańnie budzie abvieščanaje 29 krasavika, choć aficyjnaha paćviardžeńnia hetaj infarmacyi znoŭ nie było.
Ciapier paviedamleńnie pra sumiesnaje pasiadžeńnie Pałaty pradstaŭnikoŭ i Savieta Respubliki 29 krasavika vydalenaje z sajta nižniaj pałaty. Zamiest jaho raźmieščanaja infarmacyja ab praviadzieńni sumiesnaha pasiadžeńnia ŭ krasaviku. Pry hetym adznačana, što data jaho praviadzieńnia ŭdakładniajecca.
