Daśledčyki Kardyfskaha ŭniviersiteta znajšli patencyjnuju pryčynu branchijalnaj astmy, pra što raspaviadajuć u časopisie Science Translational Medicine.
Ekśpierymienty na myšach i ludziach vyjavili peŭnyja razdražnialniki, što vymušajuć kalcyj-čujnyja receptary (CaSR) vyklikać simptomy astmy: zapaleńnie i hipierreaktyŭnaść dychalnych šlachoŭ.
Ciapier, kali dakładna viadomyja tryhiery astmy, navukoŭcy prapanujuć lekavańnie praz preparaty, viadomyja jak kalcytyki, što byli raspracavanyja 15 hod tamu dla lekavańnia asteaparozu. Hety kłas lekaŭ moža źniać praktyčna ŭsie simptomy astmy, «adklučyŭšy» kalcyj-čujnyja receptary.
Nastupnaja meta navukoŭcaŭ — dakazać, što kalcytyki biaśpiečnyja pry ŭździejańni naŭprost na lohkija čałavieka. Kali pabočnyja efiekty nie buduć znojdzienyja, astmu možna budzie pieramahčy ŭ bližejšyja piać hod.
***
Siońnia ad branchijalnaj astmy cierpiać kala 300 młn čałaviek pa ŭsim śviecie. Vylekavać jaje sučasnymi srodkami niemahčyma — chvoryja na astmu vykarystoŭvajuć inhalatary i inšyja preparaty, što tolki na peŭny čas prybirajuć jaje simptomy.
