Bukoŭski z 1976 hoda žyvie ŭ Anhlii.
U asnovie abvinavačvańniaŭ — vyniki rasśledavańnia, praviedzienaha palicyjaj Kiembrydžšyra. Bukoŭski padazrajecca ŭ piaci vypadkach vyrabu i piaci vypadkach zachoŭvańnia nieprystojnych dziciačych malunkaŭ.
U Karaleŭskaj prakuratury paćvierdzili Bi-bi-si, što paviedamleńnie było pieradadziena advakatu Uładzimira Bukoŭskaha ŭ paniadziełak ranicaj.
Sam Bukoŭski spačatku zajaviŭ pa telefonie Ruskaj słužbie Bi-bi-si, što ŭpieršyniu čuje pra isnavańnie takich padazreńniaŭ. Adnak zatym jaho pamočnik paćvierdziŭ, što dakumienty z prakuratury sapraŭdy byli atrymanyja, i pierasłaŭ zajavu pravaabaroncy.
Zajava Bukoŭskaha
«Ja kateharyčna admaŭlaju vytvorčaść nieprystojnych abo zabaronienych fotazdymkaŭ, psieŭdafatahrafij abo videa dziaciej. Na samaj spravie, u mianie nie było kantaktaŭ ni ź jakimi dziećmi naohuł na praciahu mnohich hadoŭ», — havorycca ŭ zajavie, padpisanaj Bukoŭskim.
«Hetyja šakujučyja abvinavačvańni zaśpieli mianie ŭ pieryjad ciažkaj chvaroby, i šancy na vyzdaraŭleńnie ŭ mianie zusim niavyznačanyja. Tym nie mienš, ja maju namier z usioj enierhijaj abaraniać siabie ad usich pradjaŭlenych mnie abvinavačańniaŭ», havorycca ŭ zajavie Bukoŭskaha.
