Sierbski režysior Emir Kusturyca pačnie zdymać svoj film u Biełarusi ŭ 2017 hodzie. Ab hetym jon zajaviŭ siońnia ŭ čas sustrečy ź ministram kultury Biełarusi Barysam Śviatłovym.
ria.ru
«U kancy vieraśnia ja zaviaršu zdymki svajho filma «Na mlečnym šlachu», u 2016 hodzie ŭ mianie Kanski fiestyval. Tamu ŭ 2017 hodzie zmahu pačać zdymać film u Biełarusi», — skazaŭ Emir Kusturyca.
Kinastudyja «Biełaruśfilm» i francuzskaja kinakampanija Cinema Soleil vosieńniu 2014 hoda zaklučyli miemarandum ab sumiesnaj vytvorčaści poŭnamietražnaha ihravoha filma «Kali nie ciapier, to kali?» sierbskaha režysiora Emira Kusturycy. Scenaryj karciny napisany Kusturycam sumiesna z Hordanam Michičam pavodle adnajmiennaha ramana italjanskaha paeta, piśmieńnika i pierakładčyka Pryma Levi.
Dziejańnie ŭ filmie budzie adbyvacca ŭ čas Druhoj suśvietnaj vajny na terytoryi Biełarusi. U karcinie raskazvajecca ab partyzanskaj baraćbie ź niamiecka-fašysckimi zachopnikami. Raman Pryma Levi napisany ŭ 1982 hodzie i ŭdastojeny prestyžnych litaraturnych uznaharod Italii — premii Kampjeła i premii Vijaredža.
Emir Kusturyca — sierbski kinarežysior, scenaryst, akcior, pradziusar z suśvietnym imiem, filmy jakoha adznačany ŭznaharodami samych bujnych kinafiestyvalaŭ Jeŭropy, uklučajučy dźvie «Załatyja palmavyja haliny» Kanskaha kinafiestyvalu. Režysior źjaŭlajecca kavaleram ordena Hanarovaha lehijona, zamiežnym členam Akademii navuk i mastactvaŭ Respubliki Sierbskaj. Emir Kusturyca ŭznaharodžany pryzam Alaksandra Łukašenki «Za zachavańnie i raźvićcio tradycyj duchoŭnaści ŭ kinamastactvie».
