1 maja na stancyi turyzmu ŭ Žodzinie prajšła pieršaja ŭ Biełarusi honka ekstremalnaha biehu ź pieraškodami.
Bolš za 500 udzielnikaŭ ź Biełarusi, Rasii i Ukrainy musili pieraadoleć piacikiłamietrovy maršrut. Ich čakaŭ 21 etap z raznastajnymi pieraškodami: kalučy drot i kanavy, pierachod raki brod i płyty, pieranos biarvieńniaŭ i kamianioŭ.
Spabornictvy prajšli ŭ dvuch katehoryjach: mužčyny i žančyny ad 18 da 29 hadoŭ, a taksama mužčyny i žančyny, starejšyja za 30.
Siaredni čas pieraadoleńnia 5-kiłamietrovaj trasy składaŭ 35-45 chvilin. Pieramožcam siarod mužčyn staŭ Siarhiej Pierałyhin z Hielendžyka. Jaho vynik skłaŭ — 26 chvilin 51 siekundu. Na trasie ŭdzielnikaŭ zabiehaŭ, jakija nikoha nie pakidali abyjakavym, padtrymlivali hledačy i znajomyja.