Dziaržaŭnaja słužba Ukrainy pa nadzvyčajnych situacyjach zajaviła, što pažar u čarnobylskaj zonie Ukrainy całkam likvidavany ŭ 9.00 2 maja.
Padraździaleńnia Dziaržaŭnaj słužby Ukrainy pa nadzvyčajnych situacyjach i rabotniki lasnoj haspadarki praciahnuć nazirańnie i sucelnaje pračesvańnie pažaraniebiaśpiečnaha rajona. Radyjacyjny fon na miescy pažaru ciapier znachodzicca ŭ miežach normy i składaje ŭ siarednim 21 mikrarenthien u hadzinu (biaśpiečny ŭzrovień radyjacyjnaha fonu — 50 mikrarenthien u hadzinu). Na pramysłovaj placoŭcy Čarnobylskaj AES — 58 mikrarenthien u hadzinu. U zonie adčužeńnia — u siarednim 22 mikrarenthien u hadzinu.
Jak paviedamlałasia, lasny pažar uźnik 28 krasavika na terytoryi kompleksu lasnoj haspadarki «Čarnobylskaja pušča» ŭ zonie adčužeńnia. Da hašeńnia pažaru pryciahnuli 51 adzinku techniki i 305 čałaviek. Premjer-ministr Ukrainy Arsienij Jacaniuk nazvaŭ lasny pažar u Čarnobylskaj zonie adčužeńnia samym mocnym z 1992 hoda.
MUS Ukrainy adkryła kryminalnuju spravu pa fakcie pažaru ŭ zonie adčužeńnia vakoł ČAES.
