Rasijskija ŚMI raspaŭsiudzili fejkavaje paviedamleńnie ab chutkim vychadzie pieršaha numara ŭkrainskaj viersii francuzskaj satyryčnaj haziety Charlie Hebdo. Pieršym heta paviedamleńnie apublikavała RIA Naviny.
Ahienctva spasyłałasia na zapis u fejsbuku Fransua Anhłanda [imia nahadvaje imia i proźvišča prezidenta Francyi] — u jaho profili było ŭkazana, što jon źjaŭlajecca śpiecyjalistam pa dadrukarskaj padrychtoŭcy ŭ Charlie Hebdo. Jon supravadziŭ zapis zdymkam «pieršaj vokładki ŭkrainskaha numara» — na im była namalavanaja karykatura na Piatra Parašenku, Ihara Kałamojskaha i Mustafu Najema. Pryčym pieršaja staronka supravadžałasia niepryhožaj, amal parnahrafičnaj ilustracyjaj.
Rachunak, na jaki spasyłałasia RIA Naviny, zaraz całkam vydaleny.
«Ukrainskaja praŭda» vyśvietliła, što fatahrafija, što apublikavali ŭ profili «Fransua Anhłanda», była ŭziataja sa staronki «Vkontaktie» Maksima Orača, jaki nie maje nijakaha dačynieńnia da Charlie Hebdo.
Akramia taho, «vokładka pieršaha ŭkrainskaha numara» haziety była składziena z parušeńniem praviłaŭ ukrainskaj movy.
«Ukrainskaja praŭda» taksama paviedamiła, što ŭ dziaržaŭnym rejestry drukavanych ŚMI Ukrainy niama zapisu ab Charlie Hebdo
Skrynšot naviny ad ria.ru, jašče dastupny ŭ Internecie
