Vyjava, jakuju bačyli karystalniki Chrome pry sprobie zahruzić bolšaść biełaruskich sajtaŭ
Praź niepaładki ŭ data-centry «Biełtelekam» zranku 4 maja nie zahružalisia praktyčna ŭsie sajty damiennaj zony.by.
Prykładna z 10:55 da 11:25 nie pracavali praktyčna ŭsie sajty damiennaj zony.by.
Padčas avaryi nie dziejničali nn.by, tut.by, onliner.by (u tym liku pa adrasie onliner.ru), sajty gov.by (u ich liku president.gov.by) i mnohija inšyja. Viadoma, što pracavaŭ sajt belta.by, a taksama mnohija biełaruskija sajty na zamiežnych damienach.
Druhi raz prablemy z dostupam da biełaruskich sajtaŭ pačalisia ŭ 17:00. U rajonie 17:20 bolšaja častka sajtaŭ zapracavała.
«Biełtelekam» nie prakamientavaŭ druhoje «padzieńnie». Śpiecyjalisty śćviardžajuć, što prablema znoŭ źviazanaja z data-centram arhanizacyi.
Niedasiažnymi paśla 17:20 zastavalisia da roznaha času oac.gov.by, kgb.by, budzma.by, kraj.by, tuzin.fm, citydog.by i nn.by. Imavierna, dalejšyja niepaładki byli vyklikanyja ŭžo prablemami z boku chostynhaŭ.
Čytajcie taksama: Ministr infarmacyi: Asobnyja internet-resursy vyklikajuć surjoznyja pytańni, ciapier vyznačajem uładalnikaŭ
