Pra heta havorycca ŭ zajaiea pres-sakratara Jeŭrapiejskaj słužby źniešniaha dziejańnia z nahody padaŭžeńnia turemnaha terminu palitviaźnia Mikałaja Dziadka.
«Rašeńnie biełaruskaha suda padoŭžyć termin źniavoleńnia dla palityčnaha źniavolenaha Mikałaja Dziadka nibyta za parušeńnie pravił rasparadku turmy i admova zadavolić jaho skarhu na prysud vartyja škadavańnia. Spadara Dziadka pavinny byli vyzvalić 3 sakavika 2015 hoda. Padaŭžeńnie terminu jaho źniavoleńnia prymušaje zadumacca pra matyvy, jakija pryviali da hetaha rašeńnia.
Važnaść, jakuju ES nadaje pytańniu palityčnych źniavolenych u kantekście adnosin pamiž ES i Biełaruśsiu, zastajecca niaźmiennaj. My zaklikajem ułady Biełarusi pierahledzieć prysud spadara Dziadka, vyzvalić jaho nieadkładna i vyzvalić ŭsich pazastałych palityčnych viaźniaŭ», — havorycca ŭ zajavie.
***
26 lutaha 2015 h. sud Leninskaha rajona Mahilova pryznaŭ palitviaźnia Mikałaja Dziadka vinavatym u złosnym parušeńni režymu i prysudziŭ jaho da hoda i troch dzion pazbaŭleńnia voli. Termin źniavoleńnia Dziadka zakančvaŭsia 3 sakavika, adnak pryznańnie sudom jaho vinavataści ŭ novym złačynstvie adterminavała vychad na volu.
Dziadok byŭ asudžany 27 maja 2011 hoda. Sud Zavodskaha rajona Minska pryhavaryŭ jaho da čatyroch z pałovaj hadoŭ źniavoleńnia ŭ kałonii strohaha režymu pa č. 2 art. 339 KK (złosnaje chulihanstva). Jak miarkujuć pravaabaroncy, padstavaj dla pryhavoru Dziadku staŭ jaho ŭdzieł u mirnaj demanstracyi pratestu kala Ministerstva abarony suprać sumiesnych rasijska-biełaruskich vajennych vučeńniaŭ.
