Ministr unutranych spraŭ Ukrainy Arsien Avakaŭ daručyŭ DAI nie dapuskać najaŭnaść na aŭtamabilnych numarnych znakach lubych nadpisaŭ, akramia dziaržaŭnych rehistracyjnych znakaŭ.
Pra heta paviedamlaje pres-słužba MUS.
«Ź siońniašniaha dnia my damo žorstkaje ŭkazańnie ŭsim patrulam i ŭsim rabotnikam DAI spyniać źjaŭleńnie nalepak luboha źmiestu, chaj navat ultrapatryjatyčnaha», — skazaŭ jon.
Avakaŭ rastłumačyŭ, što złamyśniki, jakija rasstralali milicyjantaŭ u Kijevie ŭ noč na paniadziełak, chavalisia na aŭto z numarnymi znakami PTN-PNCH, što ŭskładniała ich apieratyŭnaje zatrymańnie.
«U nas šmat hieraičnych chłopcaŭ, jakija pryjechali z vajny. I šmat niahodnikaŭ, jakija pad ich «kosiać». My bolš z hetym mirycca nie budziem. Spadziajusia, što hetuju dyscyplinu vajennyja i sapraŭdnyja patryjoty zrazumiejuć», — dadaŭ jon.
