Staršynia KNR Si Czińpin naviedaje Biełaruś ź dziaržaŭnym vizitam 10—12 maja, paviedamili ŭ Ministerstvie zamiežnych spraŭ Kitaja.
Zamiežnaje turne kitajskaha lidara pačniecca 7 maja z naviedvańnia Kazachstana. Jak płanujecca, 8-9 maja Si Czińpin budzie znachodzicca ŭ Maskvie, dzie prymie ŭdzieł va ŭračystaściach z nahody 70-hodździa Vialikaj Pieramohi.
Staršynia KNR potym nakirujecca ź dziaržaŭnym vizitam u Biełaruś. Jon naviedaje Minsk pa zaprašeńni Alaksandra Łukašenki. Jak adznačyŭ napiaredadni namieśnik ministra zamiežnych spraŭ Kitaja Čen Hapin, u Minsku Staršynia KNR i kiraŭnik Biełarusi abmianiajucca dumkami pa pytańniach mižnarodnaha, a taksama dvuchbakovaha paradku dnia.
