Blue Origin, jakaja naležyć Amazon, paśpiachova praviała vyprabavańni rakiety New Shepard, vyvieŭšy jaje ŭ strataśfieru na vyšyniu 93,5 kiłamietra. Pra heta paviedamlaje błoh Džefa Biezasa na staroncy kampanii.
U chodzie palotu kapsuła, u jakoj budzie raźmiaščena kamanda aparata, adździaliłasia i miakka pryziamliłasia. New Sheppard raspracoŭvajecca jak šmatrazovaja sistema. Miarkujecca, što i razhonny błok i kapsuła buduć vykarystoŭvacca paŭtorna. Adnak, padčas hetych vyprabavańniaŭ ažyciavić miakkuju pasadku razhonnaha błoku nie atryłasia. Pa słovach Džefa, na ščaście, kampanija ŭžo viadzie raspracoŭku ŭdaskanalenaj hidraŭličnaj sistemy aparata - prablema mienavita ŭ hetaj častcy rakiety i pryviała da krušeńnia modula.
Na dadzieny momant kampanija ŭžo pracuje nad «starejšym bratam» rakiety, arbitalnym aparatam abstalavanym ruchavikom BE-4 na zvadkavanym pryrodnym hazie i kisłarodzie.
Amazon dałučajecca da šerahu karparacyj, jakija pačynajuć aktyŭna zasvojvać strataśfieru - Facebook i Google płanujuć razdavać internet sa spadarožnikaŭ, a SpaceX nie admaŭlajecca ad sprobaŭ pabudavać šmatrazovy rakietny modul.