Deputat Dziarždumy Dźmitryj Hudkoŭ u hutarcy z «Interfaksam» abvierhnuŭ infarmacyju ŚMI pra toje, što pradstaŭniki rasijskaj apazicyi mohuć sustrecca z kancleram Hiermanii Anhiełaj Mierkiel padčas jaje vizitu ŭ Maskvu.
«Ja pravieryŭ pa svaich kanałach — heta poŭnaja łuchta. Nijakaj sustrečy nie budzie — nie abmiarkoŭvałasia i nie płanavałasia», — skazaŭ Hudkoŭ.
Pavodle jaho słoŭ, niamiecki bok nie kantaktavaŭ z rasijskaj apazicyjaj i ni na jakija sustrečy nie klikaŭ. Akramia taho, deputat nazvaŭ tryźnieńniem infarmacyju ab tym, što Alaksiej Navalny i Illa Jašyn nibyta vyrašali pamiž saboj, chto ž pavinien adpravicca na razmovu ź Mierkiel.
Infarmacyja pra toje, što hiermanski kancler maje namier sustrecca z apazicyjna nastrojenymi rasiejskimi palitykami, źjaviłasia 5 maja ŭ haziecie «Iźviestija».
