U 2014 hodzie ŭ Biełarusi vypuščana 11.613 najmieńniaŭ knih i brašur ahulnym nakładam bolšym za 31,2 młn. asobnikaŭ. Pry hetym na ruskaj movie vypuščana 9.572 vydańni, na biełaruskaj — 1.105.

Takija źviestki pryvodzić Nacyjanalny statystyčny kamitet u ahladzie da Dnia druku, jaki adznačajecca 5 maja. 

Lidarami siarod abłaściej Biełarusi pa vypusku knih i brašur u 2014 hodzie stali Minsk (8.591) i Homielskaja vobłaść (1.234). 

Jak zaznačaje Biełstat, u krainie z kožnym hodam pavialičvajecca hadavy nakład časopisaŭ i inšych pieryjadyčnych vydańniaŭ. Za minuły hod jon pavialičyŭsia na 3,3%. U 2014 hodzie na biełaruskaj movie było vypuščana 132 časopisy i inšych pieryjadyčnych vydańniaŭ. 

Aprača taho, u 2014 hodzie vypuskalisia: 205 respublikanskich haziet; 52 abłasnyja haziety; 131 haradskaja hazieta; 119 rajonnych haziet. Usiaho było vypuščana 619 najmieńniaŭ (u 2013-m — 654), razavy nakład haziet skłaŭ 6,3 młn. asobnikaŭ (6,6 młn.), hadavy — 445,4 młn. (455 młn.), na 1.000 nasielnictva było vydadziena 667 haziet (700).

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?