Fota: Minskrun.by
Prajekt Minskrun.by prapanuje ad 16 maja ładzić supolnyja ranišnija prabiežki.
Biehunam prapanujuć źbiracca kožnuju subotu ŭ 10:00 kala vuł. Kalinoŭskaha, 111, kab prabiehčy 5 km pa lesaparku.
Praz admysłovyja kody arhanizatary buduć fiksavać čas prachodžańnia dystancyi dla tych, chto zarehistravaŭsia na Minskrun.by.
Uziać udzieł mohuć ludzi luboj fizičnaj padrychtoŭki i luboha ŭzrostu. Vyniki prabiežak buduć publikavacca na sajcie.
Ale niejkich admysłovych pryzoŭ za najchutčejšuju prabiežku nie praduhledžana — prabiežki prosta dla asałody. Tyja, chto voźmie ŭdzieł u prabiežcy 10, 30, 50 i 100 raz, atrymajuć cišotki z łahatypam zabiehu i kolkaściu prabiežak.
Kamanda šukaje vałancioraŭ dla fiksacyi času siekundamieram, skanavańnia kodaŭ, fatahrafavańnia i inšych metaŭ.