Pra heta paviedamiŭ siońnia pres-sakratar hałoŭnaha ŭpraŭleńnia ideałahičnaj raboty Ministerstva abarony Biełarusi Uładzimir Makaraŭ na pres-kanfierencyi ab śviatočnych mierapryjemstvach da Dnia Pieramohi.
«6 maja ŭ Biełaruś płanujecca prybyćcio arkiestra vajenna-pavietranych siłaŭ ZŠA ŭ Jeŭropie, kala 40 čałaviek. Amierykanskija vajskoŭcy 7 maja voźmuć udzieł u kancercie ŭ Bresckaj krepaści, a 9 maja — u vajskovym paradzie ŭ Minsku», — skazaŭ Uładzimir Makaraŭ.
Pres-sakratar hałoŭnaha ŭpraŭleńnia dadaŭ, što 70 hadoŭ tamu ZŠA jak sajuźnik SSSR razam ź inšymi krainami pieramahli fašyzm. Na jaho dumku, toj fakt, što ŭ śviatočnych mierapryjemstvach da Dnia Pieramohi buduć udzielničać amierykanskija vajskoŭcy, jašče raz śviedčyć ab biełaruskaj palitycy miru i zhody.
