Džon Ramera, adzin sa stvaralnikaŭ Doom, u 1994 hodzie. Fota: giantbomb.com
Zhodna z pastanovaj Minadukacyi №21 ad 13 krasavika 2015 hoda ŭ kłasifikatar śpiecyjalnaściej i kvalifikacyj trapili raspracoŭščyki hulniaŭ.
U kirunku adukacyi «Infarmatyka i vyličalnaja technika» była dadadzienaja śpiecyjalnaść «Infarmacyjnyja sistemy i technałohii (u hulniovaj industryi)» i adpaviednaja kvalifikacyja «Inžynier-sistemny prahramist-hiejmdyzajnier».
Pa kirunku «Infarmacyjnyja sistemy i technałohii» adukacyju ŭ Biełarusi možna atrymać u BDU, BDUIR, BDTU, BNTU, a taksama ŭ Viciebskim technałahičnym, Homielskim techničnym i Paleskim dziaržaŭnym univiersitetach, Hrodzienskim univiersitecie imia Janki Kupały, Ekałahičnym imia Sacharava, Minskim univiersitecie kiravańnia i Mahiloŭskim univiersitecie charčavańnia.
Supracoŭniki IT-industryi, u tym liku raspracoŭščyki hulniaŭ, majuć najvyšejšuju pa Biełarusi siaredniuju zarpłatu.
Najbolš viadomyja biełaruskija raspracoŭščyki hulniaŭ — Wargaming, aŭtary World of Tanks, u jakuju hulaje pad 100 młn čałaviek pa ŭsim śviecie. Pieršaj maštabnaj videahulnioj pa-biełarusku stali «Lehiendy Ajziervalda» ad minskaj studyi Aterdux Entertainment.
