U Minsku z 11 maja ŭnosiacca časovyja źmianieńni ŭ ruch transpartu na vuł. Kazłova, paviedamili ŭ DU «Staličny transpart i suviaź».
Na čas vykanańnia rabot pa rekanstrukcyi tramvajnaha puci pa vuł. Kazłova z 11 maja zakryvajecca tramvajny ruch pa vuł. Kazłova na ŭčastku ad vuł. Ź.Biaduli da Bataničnaj (prykładna da 1 vieraśnia); zabaraniajecca ruch usich vidaŭ transpartu pa vuł. Kazłova ad vuł. Ź.Biaduli da vuł. Płatonava (prykładna da 1 lipienia).
Z 11 maja admianiajecca rabota tramvajnaha maršrutu numar 3, arhanizujecca rabota tramvajnaha maršrutu numar 10 «Voziera - st. mietro płošča Pieramohi». Ruch tramvajnaha maršrutu numar 6 arhanizujecca ad DS Sierabranka da prypynačnaha punkta «zavułak Kazłova» z razvarotam na terytoryi filijała «Tramvajny park». Adnačasova budzie praduhledžana istotnaje pavieličeńnie kolkaści ruchomaha sastavu na tramvajnych maršrutach numar 9 i numar 11. Tramvajny maršrut numar 9 časova pieravodzicca na režym raboty ceły dzień i štodzień.
Ruch aŭtobusnaha maršrutu numar 19 arhanizujecca pa vuł. Kazłova, Ź.Biaduli, Čapajeva, Płatonava, Kazłova z vykanańniem prypynačnaha punkta «Ź.Biaduli», «Płatonava» ŭ abodvuch napramkach; numar 901 — pradaŭžajecca da Kamaroŭskaha rynku z rucham pa vuł. Ź.Biaduli, Kazłova, prasp. Mašerava, vuł. Kujbyšava, V.Charužaj u pramym napramku, vuł. V.Charužaj, Čyrvonaj, prasp. Mašerava, vuł. Kazłova, Ź.Biaduli, Pieršamajskaj i dalej pa maršrucie — u advarotnym napramku. Aŭtobus numar 907 «Budzionaha — Kamaroŭski rynak» budzie ruchacca pa vuł. Daŭhabrodskaj, Kazłova, Płatonava, Čapajeva, Ź.Biaduli, Kazłova, prasp. Mašerava, vuł. Kujbyšava, V.Charužaj u pramym napramku, vuł. V.Charužaj, Čyrvonaj, prasp. Mašerava, vuł. Kazłova, Ź.Biaduli, Čapajeva, Płatonava, Kazłova, Daŭhabrodskaj i dalej pa maršrucie — u advarotnym napramku.
Da 31 maja pasažyram, jakija majuć šmatrazovyja prajaznyja dakumienty na tramvaj, pradastaŭlajecca prava prajezdu biez dadatkovaj apłaty ŭ aŭtobusach maršrutaŭ numaroŭ 19, 901, 907 na ŭčastkach, što dublirujucca i zakryvajucca.
