Padzieńnie aparata «Kosmas-1220» na Ziamlu ŭ lutym 2014 hoda. Fota: Reuters / Gerardo Garcia
«Prahres-M-27 M» sydzie z arbity 8 maja na 167-m vitku vakoł Ziamli, prahnazuje Abjadnany centr kaśmičnych apieracyj stratehičnaha kamandavańnia ZŠA. Prahnoz daje dakładnaść ±48 hadzin.
Ličycca, što bolšaja častka karabla zharyć u atmaśfiery, ale niekatoryja askiepki mohuć dasiahnuć Ziamli.
Mierkavanaje miesca padzieńnia abłomkaŭ — 35 hradusaŭ paŭnočnaj šyraty, 113 hradusaŭ zachodniaj daŭhaty. To značyć, prykładna na zachodnim uźbiarežžy ZŠA, kala Łas-Viehasa, Fieniksa i Łos-Anželesa.
Raniejšyja prahnozy davali daty ad 5 da 7 maja, miescy — u Atłantyčnym akijanie ŭ 1600 km ad Kuby. Raskosmas davaŭ datu 9 maja.
Kaśmičny hruzavik «Prahres M-27M» pačaŭ niekantralavany sychod z arbity 29 krasavika. Aparat atrymaŭ paškodžańni padčas startu i straciŭ suviaź z Centram kiravańnia palotami. «Prahres» musiŭ siarod inšaha dastavić na MKS kopiju Ściaha Pieramohi.
