Fota: tvrain.ru

Fota: tvrain.ru

Alaksiej Navalny prademanstravaŭ dokazy maštabnaha dziaržfinansavańnia «Načnych vaŭkoŭ» i źviazanych ź imi arhanizacyj.

Ahułam za 2013-2014 hod ad prezidenckich hrantaŭ «Načnyja vaŭki» atrymali 41 młn rasijskich rubloŭ, ad ministerstva kultury — 15 młn rubloŭ. Sumarna pa kursie da kryzisu vosieni 2014 hoda heta składaje kala 1,6 młn dalaraŭ.

Dziaržaŭnyja hrošy prynamsi z 2011 hoda «Načnyja vaŭki» atrymlivajuć na navahodnija jołki (jakija da 2013 hoda «Načnyja vaŭki» pravodzili bieź dziaržpadtrymki), patryjatyčnaje vychavańnie moładzi, motaprabiehi.

Na hrant ministerstva kultury bajkiery zładzili vohniennaje šeście ŭ formie svastyki. Na dziciačych jołkach «Načnyja vaŭki» raspaviadajuć pra Statuju Svabody, jakaja choča źniavolić Rasiju i «zbudavać śviet na kryvi».

Pavodle raniejšaha daśledavańnia Slon.ru, niekamiercyjnaja arhanizacyja «Načnyja vaŭki» atrymała ad kamiercyjnaj dziejnaści ŭ 2007 hodzie prybytak u pamiery 140 młn rasijskich rubloŭ (kala 5,5 młn dalaraŭ pa tych časach).

***

U Biełarusi «Načnych vaŭkoŭ» padčas aŭtaprabiehu «Darohi Pieramohi» sustrakali na ŭzroŭni Administracyi prezidenta. Polšča nie puściła ŭdzielnikaŭ prabiehu na svaju terytoryju, toje ž zrabiła Litva, a Hiermanija nie prapuściła na svaju terytoryju ŭdzielnikaŭ kłubu «Ruskija matacyklisty», jakija taksama jość siabrami «Načnych vaŭkoŭ».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?