Biełaruski Čyrvony Kryž vystupiŭ z zaklikam ab dapamozie žycharam Niepała, jakija paciarpieli ad ziemlatrusu, paviedamiła hałoŭny śpiecyjalist pa suviaziach sa ŚMI i hramadskaściu Biełaruskaha tavarystva Čyrvonaha Kryža (BTČK) Nastaśsia Zajcava.

U Niepale 25 krasavika adbyŭsia ziemlatrus mahnitudaj 7,9, śledam za asnoŭnym udaram adbyłosia bolš za sotniu afteršokaŭ. Ziemlatrus pryznany samym razburalnym u historyi Niepała za apošnija 80 hadoŭ. Da hetaha času praciahvajecca razbor zavałaŭ paśla ŭdaru stychii. Pavodle danych Ministerstva ŭnutranych spraŭ Niepała, kolkaść achviar ziemlatrusu pierasiahnuła 7,2 tys. čałaviek. Jaho nastupstvy tak ci inakš zakranuli 8 młn čałaviek z 28-miljonnaha nasielnictva Niepała.

Dla dapamohi paciarpiełym Biełaruskaje tavarystva Čyrvonaha Kryža abjaviła ab zbory hrašovych achviaravańniaŭ ad nasielnictva, arhanizacyj i pradpryjemstvaŭ respubliki ŭsich form ułasnaści. Ich možna pieraličyć na raźlikovy rachunak 3015740099012 CBU numar 539 AAT «Bielinviestbank», BIK (MFO)153001739, kod 739 z abaviazkovaj pamietkaj «Pomoŝ Niepału». 

Akcyja pradoŭžycca da 31 maja 2015 hoda. Usie sabranyja hrošy buduć pieradadzienyja Mižnarodnaj fiederacyi tavarystvaŭ Čyrvonaha Kryža i Čyrvonaha Paŭmiesiaca. Dapamoha fiederacyi budzie iści pa niekalkich napramkach: pradastaŭleńnie prytułku, miedycynskaj dapamohi, adnaŭleńnie siamiejnych suviaziej i pošuk źnikłych, zabieśpiačeńnie čystaj vadoj i ježaj, psichałahičnaja dapamoha i inšaja praca, źviazanaja ź likvidacyjaj nastupstvaŭ ziemlatrusu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?