Prakuratura Minskaj vobłaści nakiravała ŭ sud spravu ŭ dačynieńni da maładoj siamiejnaj pary, jakaja abvinavačvajecca ŭ vyrabie z metaj raspaŭsiudžvańnia i rekłamavańnia, a taksama ŭ raspaŭsiudžvańni i rekłamavańni parnahrafičnych materyjałaŭ i vyjaŭ z vykarystańniem interneta (č. 2 st. 343 KK).
Jak paviedamiła staršy pamočnik prakurora Minskaj vobłaści Łarysa Parchimovič, zhodna z pradjaŭlenym abvinavačańniem, 25-hadovaja žančyna sumiesna sa svaim 31-hadovym mužam u kastryčniku 2012 hoda arandavali ŭ Minsku dvuchpakajovuju kvateru i padklučyli ŭ joj pasłuhu dostupu ŭ internet. Tut ža padklučyli, nastroili i arhanizavali techničnaje absłuhoŭvańnie kampjutaraŭ, vieb-kamier, mademaŭ i inšaha abstalavańnia, jakoje dazvalaje zabiaśpiečyć virtualnyja znosiny karystalnikaŭ hłabalnaj sietki, a taksama zabiaśpiečyli dostup kampjutarnaj techniki da roznych resursaŭ interneta, jakija śpiecyjalizujucca na raspaŭsiudžvańni materyjałaŭ parnahrafičnaha źmiestu.
Para adšukała nie mienš čym 14 dziaŭčat, jakija zhadzilisia za hrašovaje ŭznaharodžańnie znosicca ŭ videačatach z klijentami interner-resursaŭ.
Takim čynam, jak adznačajuć u prakuratury, siamiejnaja para ŭ arandavanaj kvatery ažyćciaŭlała vyrab, raspaŭsiudžvańnie i rekłamavańnie z vykarystańniem interneta materyjałaŭ i vyjaŭ parnahrafičnaha źmiestu i atrymlivała hrašovaje ŭznaharodžańnie ad uładalnikaŭ internet-resursaŭ śpiecyfičnaha źmiestu.
Za złačynstva, praduhledžanaje č. 2 art. 343 KK, praduhledžana pakarańnie ŭ vyhladzie pazbaŭleńnia voli na termin ad 2 da 4 hadoŭ.
Papiaredniaje rasśledavańnie kryminalnaj spravy pravodziłasia śledčym upraŭleńniem USK pa Minskaj vobłaści.
