Basmanny sud Maskvy zadavoliŭ chadajnictva śledstva i padoŭžyŭ da 30 červienia termin aryštu ŭkrainskaj lotčycy Nadziei Saŭčanka.

Śledstva, abhruntoŭvajučy nieabchodnaść padaŭžeńnia aryštu, pakazvała na vialiki abjom śledčych dziejańniaŭ, a taksama na toje, što Saŭčanka maje navyki vałodańnia strałkovaj zbrojaj.

Advakaty Saŭčanka, abvinavačanaj rasijskimi ŭładami ŭ dačynieńni da zabojstva na ŭschodzie Ukrainy žurnalistaŭ VHTRK, nastojvali na źmieny miery strymańnia na chatni aryšt.

Jak adznačaje abarona ŭkrainskaj lotčycy, za apošnija 10 miesiacaŭ nijakich novych dokazaŭ dačynieńnia ich padabaronnaj da inkryminavanych dziejańniaŭ nie źjaviłasia.

Raniej u sieradu Basmanny sud nie pahadziŭsia adpuścić Saŭčanka na siesii Parłamienckaj Asamblei Rady Jeŭropy.

U studzieni hetaha hoda PASIE pryznała paŭnamoctvy Nadziei Saŭčanka jak člena Asamblei ad ukrainskaj delehacyi. Advakat Illa Novikaŭ pradstaviŭ sudu dakumient PASIE, jaki paćviardžaje najaŭnaść u Saŭčanka imunitetu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?