Rasija nie budzie ŭdzielničać u restrukturyzacyi doŭhu Ukrainy. Pra heta paviedamiŭ namieśnik ministra finansaŭ RF Siarhiej Storčak.
«Nie, my nie budziem udzielničać u pazykovaj apieracyi», — adznačyŭ čynoŭnik. Jon taksama padkreśliŭ, što ŭ červieni Maskva čakaje ad Kijeva vypłaty čarhovaha tranšu pa kredycie.
Rasija źjaŭlajecca adnym z trymalnikaŭ jeŭraablihacyj Kijeva — jana vałodaje bondami na 3 młrd dalaraŭ. U červieni 2014 Ukraina vypłaciła 73,3 młn dalaraŭ, u śniežni — jašče 75,5 młn.
Raniej, 10 krasavika, Kamitet pryvatnych kredytoraŭ Ukrainy, jaki abjadnoŭvaje ŭładalnikaŭ kaštoŭnych papier na 10 młrd dalaraŭ, taksama admoviŭsia śpisvać daŭhi.
U toj ža čas Ukraina da 2019 hoda pavinna zekanomić na absłuhoŭvańni zamiežnaha doŭhu 15 młrd dalaraŭ. Heta adna z umoŭ dla dalejšaha atrymańnia finansavaj padtrymki ad Mižnarodnaha valutnaha fondu (MVF).
Źniešni dziarždoŭh Ukrainy pa vynikach sakaviku 2015 vyras na 8,3%, abo na 2,4 młrd dalaraŭ. Jaho pamier dasiahnuŭ 32,8 młrd dalaraŭ. U Nacbanku prahnazujuć, što sukupny doŭh krainy składzie 93% VUP pa vynikach hoda.
17 lutaha Siarhiej Storčak dapuskaŭ, što Rasija moža pryniać udzieł u prahramie finansavaj padtrymki Ukrainy.
