Tut i nižej fota: Symbal.by
U kramie Symbal.by źjaviłasia zusim niezvyčajnaja žanočaja vyšymajka — sa strazami. Nabyć jaje ŭžo možna jak praź internet, tak i ŭ «afłajnavaj» kramie na 3-m paviersie HC «Maskoŭska-Vienski».
Na vyšymajcy strazami «vyšyty» ŭzor z matyvami Jaryły — jazyčnickaha boha ŭradlivaści i žyćciovych sił pryrody.
Pakul u prodažy tolki žanočyja madeli pamieraŭ XS, S, M i L. Cišotki zroblenyja na 90% z bavoŭny i na 10% z ełastanu.
Karystalniki ŭ sacsietkach pa-roznamu nazyvajuć takija cišotki — «strazavyšyvanka», «strazamajka», «strazavanka»… Žartujuć, što ŭzor vyšyty «kryštalami Svarohski».
Jak raspavioŭ «Našaj Nivie» dyrektar kramy Pavieł Biełavus, Symbal.by pačali pierachodzić na biełaruskuju vytvorčaść: novyja bajki z vycinankaj, torby i «strazavanki» majuć na bircy nadpis «Zroblena ŭ Biełarusi».
«Heta nie niejki proma-tekstyl, heta całkam pašytyja ŭ Biełarusi rečy, — śćviardžaje Biełavus. — Pacichu pierachodzim ad prosta kramy da stvareńnia niejkaha brendu».
Dziaŭčaty na fabrycy, raspaviadaje jon, vykazali ideju: kłasna było b, kali b arnamient byŭ vykładzieny strazami. Stvaralniki vyšymajek sumniavalisia, ci nie budzie heta praźmierna hłamurna i niestylova, ale supracoŭnicy fabryki pierakanali ich pasprabavać. Pakul pra «strazavanki» čuli tolki pazityŭnyja vodhuki.
Čytajcie taksama:
Dzie nabyć vyšyvanku: śpis kramaŭ i majstroŭ
16 sajtaŭ, dzie možna nabyć biełaruski padarunak
